01/12/2012

UN FUTURO MÚSICO

OBRA HUMORÍSTICA PARA DOUS PERSONAXES

PERSONAXES:

VENDEDOR
LUCAS, UN RAPAZ

(A escena transcorre nunha tenda de música: hai instrumentos expostos e afiches de músicos famosos.)

VENDEDOR: (Ao ver que Lucas mira os instrumentos.) Boas tardes, neno, que buscás?
LUCAS: Quero dedicarme á música. E o meu pai deume diñeiro para comprar un instrumento, pero non sei cal elixir.
VENDEDOR: (Enérxico.) Viñeches ao sitio indicado: " SOAMOS! " é a mellor tenda de instrumentos musicais da cidade. Que che parece este piano?
LUCAS: Lindo, pero quería  que  no canto de teclas brancas, as tivese azuis, e que as grosas, fosen vermellas.
VENDEDOR: Pero todos os pianos teñen teclas brancas e negras.
LUCAS: Iso porque ninguén os ensinou a pintarse aínda.
VENDEDOR: Ese modelo de aí ten os pedais...
LUCAS: Aquí vende instrumentos ou triciclos?
VENDEDOR: Os pianistas pisan os pedais para...
LUCAS: Entón é ideal para un corredor de Fórmula 1. Non me convence.
VENDEDOR: E o órgano? Teño todo tipo de órganos...
LUCAS: Se non os tivese estaría morto.
VENDEDOR: Órganos eléctricos.
LUCAS: Non sabía que había corazóns ou pulmóns que se enchufasen.
VENDEDOR: (Trata manter a paciencia.) Mellor pasemos a outra cousa. Algún de vento...
LUCAS: Ventilador xa teño.
VENDEDOR: Eu referíame aos que se deben soprar.
LUCAS: Unha torta de aniversario con “velitas”?
VENDEDOR: Non, algo como... como... como esa frauta.
LUCAS: (Mira o instrumento.) Esta estragada ! Non vou comprar algo que ten semellante cantidade de buratiños . Parecen os calcetíns do meu avó!
VENDEDOR: Serve  para tocar a frauta doce.
LUCAS: Se é doce, entón non. A min encántanme as comidas salgadas. Ademais, imaxínese se esquezo gardala e a comen as formigas que son larpeiras a máis non poder!
VENDEDOR: Non che gustaría tocar a harmónica?
LUCAS: Nin tolo! Se chego a tocar a Mónica, a miña compañeira de banco, móeme a paus
VENDEDOR: Podería ser algún de corda.
LUCAS: Se quixese algo ao que hai que darlle corda, compraría un reloxo espertador.
VENDEDOR: Refírome a instrumentos que teñen as cordas tensadas e...
LUCAS: Amodiiiiiño! O único que me faltaba: rematar tendendo a roupa ao sol nesas cordas.
VENDEDOR: Por exemplo o violín, a viola ou o violoncelo.
LUCAS: Non quero saber nada con Chelo: a última vez que a vin tivemos unha discusión sobre se eu era bo músico
VENDEDOR: Talvez unha guitarra crioula.
LUCAS: Os únicos crioulos que me gustan son os chourizos que cociña a miña avoa.
VENDEDOR: Un baixo ou un contrabaixo.
LUCAS: Insinúa que son retaco?
VENDEDOR: E a batería?
LUCAS: Iso! Unha con pratos que soen como fontes, tambores que se oian como cazolas e un bombo que resoe como cando se golpea unha pota.
VENDEDOR: Entón convenche comprar unha batería de cociña.
LUCAS: E que poida golpear durante horas.
VENDEDOR: Deberá ser unha batería longa duración e recargable. Serías un gran batero...
VENDEDOR: É o que interpreta a batería. Pódoche ofrecer unha que ten unhas fermosas baquetas...
LUCAS: Outra que se vai! Onde vai Queta?
VENDEDOR: As baquetas úsanse para golpear a batería.
LUCAS: Eu non quero golpeala. A ver se a rompo, co cara que debe saír.
VENDEDOR: Aínda Que non tenés a menor idea, creo que con práctica e estudo, poderás tocar jazz.
LUCAS: Yas mesmo?
VENDEDOR: Facer pop.
LUCAS: Como unha burbulla que estoupa?
VENDEDOR: E rockear.
LUCAS: Eu non son de roncar.
VENDEDOR: (Ao público.) Este cre que para tocar en clave de Sol hai que usar anteollos escuros.
LUCAS: Se o penso, gustaríame comezar tocando unha bucina de bicicleta ou dun camión.
VENDEDOR: (Ao público.) Co pouco que sabe de música, conviríalle unha bucina de avión
LUCAS: Que dixo?
VENDEDOR: Creo que estás demasiado cru, moi verde aínda. Por agora recoméndoche que comences practicando con isto (Pasalle unha campá)
LUCAS: Bo! Con isto, se me aburro de practicar podo dedicarme a outra cousa.
VENDEDOR: A que?
LUCAS: Ao tilín tolea, vou tolear a todo o que pille por diante.
(Vaise tacando a campá e  dicíndo tolín tolea, tilín tolea )
AUTOR: Fabián Sevilla
TRADUCIÓN E ADAPTACIÓN: Belén I.G.

0 comentarios:

Enviar um comentário